Perfil

O posto ten como obxecto liderar, organizar e coordinar as actividades relacionadas co modelo de negocio, a estrutura de gobernanza e o marco legal no marco do demostrador multisectorial DATAlife.

A persoa contratada será responsable de orientar e guiar o traballo técnico nestes ámbitos, consolidar resultados e asegurar que as propostas sexan coherentes, viables e útiles para a continuidade do proxecto.

Requisitos

• Titulación: Nivel 3 (Grao + Máster) segundo o Marco Español de Cualificacións para a Educación Superior recollido no Real Decreto 1027/2011, de 15 de xullo ou as súas equivalentes.
• Experiencia: Non se require.
• Outros: Non se require.

Duración do contrato e condicións laborais

• Desde a sinatura do contrato ata a finalización do proxecto Demostrador Multisectorial DATAlife  (prevista inicialmente para o 30/06/2026).
• Inicio previsto: decembro 2025.
• Xornada laboral completa de 39 h. en horario de inverno e 35 horas en horario de verán, con flexibilidade horaria e posibilidade de teletraballo.
• 22 días de vacacións e días de asuntos propios.

Salario

34.419 € brutos anuais en 14 pagas.

Ubicación

CESGA (Centro de Supercomputación de Galicia) - Fundación pública pioneira na computación de altas prestacións, situada no centro da cidade de Santiago de Compostela, no campus universitario, pulmón verde da cidade. 

Avenida de Vigo, s/n, 15705 - 42º52.539 N 8º33.196 W.

Funcións

As necesarias para apoiar o desenvolvemento axeitado do proxecto no seu ámbito xurídico. Para iso levará a cabo principalmente as seguintes tarefas:

• Planificar e organizar as actividades relacionadas co modelo de negocio, a estrutura de gobernanza e o marco legal, elaborando cronogramas e definindo fitos.
• Coordinar o traballo técnico de negocio e legal, garantindo unha execución ordenada e aliñada cos obxectivos do proxecto.
• Guiar ao equipo na definición do modelo de negocio, da estrutura de gobernanza de datos e do marco legal.
• Validar, desde unha visión global, a integración das achegas xurídicas e de negocio.
• Apoiar o desenvolvemento de liñas de financiamento e sustentabilidade a medio e longo prazo, contribuíndo á definición de estratexias de relación con empresas e entidades participantes.
• Fomentar a coordinación transversal con outras áreas do proxecto, garantindo que o traballo de negocio e legal quede correctamente aliñado cos obxectivos globais.
• Trasladar os riscos identificados e coordinar a elaboración e implantación das recomendacións de medidas preventivas.
• Coordinar ao equipo técnico e xurídico para a integración no modelo de negocio dos aspectos de gobernanza, interoperabilidade e explotación de datos.
• Documentar boas prácticas e recomendacións que favorezan a continuidade e sustentabilidade do demostrador no futuro.
• Outras tarefas de carácter xurídico e económico-financeiro que sexan necesarias para apoiar a execución do proxecto no período de duración do contrato.