Perfil

O posto ten como cometido planificar, dirixir e coordinar de maneira integral as accións de comunicación, promoción e formación do proxecto Demostrador Multisectorial Datalife.

O seu cometido principal será garantir a coherencia global das accións de visibilidade, transferencia e capacitación, coordinando o traballo do persoal técnico de promoción e formación, así como a interlocución con entidades colaboradoras, provedores e participantes do proxecto.

Ademais, asegurará o cumprimento das obrigas de comunicación e publicidade asociadas á financiación pública, a correcta execución do plan formativo e a difusión dos resultados científicos e tecnolóxicos do proxecto.

Requisitos

• Titulación: Nivel 3 (Grao + Máster) segundo o Marco Español de cualificacións para a Educación Superior recollido no Real Decreto 1027/2011 de 15 de xullo ou as súas equivalentes, nos seguintes ámbitos de coñecemento:
  • Xornalismo, comunicación, publicidade e relacións públicas.
• Experiencia: Non se require.
• Outros: Non se require.

Duración do contrato e condicións laborais

• Desde a sinatura do contrato ata a finalización do proxecto Demostrador Multisectorial DATAlife  (prevista inicialmente para o 30/06/2026).
• Inicio previsto: decembro 2025.
• Xornada laboral completa de 39 h. en horario de inverno e 35 horas en horario de verán, con flexibilidade horaria e posibilidade de teletraballo.
• 22 días de vacacións e días de asuntos propios.

Salario

34.419,00 € brutos anuais en 14 pagas.

Ubicación

CESGA (Centro de Supercomputación de Galicia) - Fundación pública pioneira na computación de altas prestacións, situada no centro da cidade de Santiago de Compostela, no campus universitario, pulmón verde da cidade. 

Avenida de Vigo, s/n, 15705 - 42º52.539 N 8º33.196 W.

Funcións

As necesarias para o desenvolvemento adecuado do proxecto Demostrador Multisectorial DATAlife. Para iso levará a cabo as seguintes tarefas:

• Planificar e organizar as actividades de formación e promoción vinculadas ao demostrador multisectorial DATAlife, establecendo prazos, fitos e prioridades.
• Dirixir a liña de traballo en formación e promoción do demostrador multisectorial DATAlife.
• Dirixir a definición do plan formativo e de comunicación do proxecto, incluíndo: obxectivos, públicos destinatarios, metodoloxías, accións prioritarias e indicadores de avaliación.
• Validar os contidos e materiais asociados ás accións de difusión, promoción e capacitación.
• Supervisar o desenvolvemento de actividades formativas, eventos e campañas de promoción.
• Favorecer a coherencia entre accións de comunicación, formación e difusión, de maneira que transmitan unha imaxe clara e consistente do proxecto.
• Fomentar a coordinación transversal con outras áreas do proxecto, garantindo que o traballo de negocio e legal quede correctamente aliñado cos obxectivos globais.
• Establecer alianzas e colaboracións con outras institucións ou centros de referencia para facilitar a formación externa, difusión mutua e o intercambio de boas prácticas.
• Garantir que as actividades de formación e promoción cumpran cos requisitos e obrigas asociadas ao financiamento.
• Calquera outras funcións necesarias para acadar o éxito do proxecto e o cumprimento dos seus obxectivos no ámbito da promoción e da formación.