Perfil

O posto ten como obxecto deseñar, desenvolver e executar accións formativas no marco do demostrador multisectorial DATAlife, orientadas á capacitación de usuarios, empresas e entidades participantes no ámbito da xestión e explotación de datos.

A persoa contratada será responsable de elaborar materiais, impartir sesións e avaliar o impacto das actividades formativas, asegurando que sexan prácticas, accesibles e coherentes cos obxectivos do proxecto.

Requisitos

• Titulación: Nivel 3 (Grao + Máster) segundo o Marco Español de cualificacións para a Educación Superior recollido no Real Decreto 1027/2011, de 15 de xullo, ou as súas equivalentes.
• Experiencia: Non se require.
• Outros: Non se require.

Duración do contrato e condicións laborais

• Desde a sinatura do contrato ata a finalización do proxecto Demostrador Multisectorial DATAlife  (prevista inicialmente para o 30/06/2026).
• Inicio previsto: decembro 2025.
• Xornada laboral completa de 39 h. en horario de inverno e 35 horas en horario de verán, con flexibilidade horaria e posibilidade de teletraballo.
• 22 días de vacacións e días de asuntos propios.

Salario

32.493,02 € brutos anuais en 14 pagas.

Ubicación

CESGA (Centro de Supercomputación de Galicia) - Fundación pública pioneira na computación de altas prestacións, situada no centro da cidade de Santiago de Compostela, no campus universitario, pulmón verde da cidade. 

Avenida de Vigo, s/n, 15705 - 42º52.539 N 8º33.196 W.

Funcións

As necesarias para o desenvolvemento adecuado do proxecto Demostrador Multisectorial Datalife. Para iso levará a cabo as seguintes tarefas:

• Deseñar e implementar o plan integral de formación do proxecto, adaptado aos distintos públicos obxectivo (científico, institucional, empresarial e sociedade en xeral).
• Planificar e organizar accións de formación.
• Dirixir a elaboración e elaborar materiais e contidos formativos (guías, presentacións, recursos dixitais) adaptados a diferentes perfís e modalidades de capacitación.
• Organizar e executar cursos, talleres, seminarios e outras actividades formativas, incluíndo a coordinación con provedores e expertos.
• Impartir accións formativas no seu ámbito de especialización.
• Colaborar na preparación loxística das accións formativas (convocatorias, rexistro de participantes, recursos técnicos).
• Elaborar informes de seguimento que evidencien as actividades realizadas e o impacto obtido, para a súa presentación ante o organismo financiador.
• Facilitar a transferencia e permanencia do coñecemento adquirido.
• Calquera outras funcións relacionadas co ámbito da formación que sexan necesarias para garantir o éxito do proxecto.