Perfil

O posto ten como cometido prestar apoio na xestión técnica do proxecto, sendo clave na posta en marcha do espazo de datos e dos seus módulos de servizo, así como no desenvolvemento e validación dos casos de uso.

A persoa contratada será a encargada de coordinar o despregue e a operación da Plataforma Tecnolóxica do Espazo de Datos do proxecto Demostrador Multisectorial DATAlife.

Requisitos

• Titulación: Nivel 3 (Grao + Master) segundo o Marco Español de cualificacións para a Educación Superior recollido no Real Decreto 1027/2011 de 15 de xullo ou as  súas equivalentes. En concreto nas seguintes ramas de coñecemento:
  • Enxeñaría Informática.
  • Física e Astronomía.
  • Matemáticas e estatística.
  • Enxeñaría eléctrica, enxeñaría electrónica e enxeñería da telecomunicación.
  • Enxeñaría industrial, enxeñaría mecánica, enxeñaría automática, enxeñaría da organización industrial e enxeñaría da navegación.
  • Enxeñaría química, enxeñaría dos materiais e enxeñaría do medio natural.
  • Bioloxía e xenética.
• Experiencia: 8 anos de experiencia profesional.
• Outros: Non se require.

Duración do contrato e condicións laborais

• Desde a sinatura do contrato ata a finalización do proxecto Demostrador Multisectorial DATAlife  (prevista inicialmente para o 30/06/2026).
• Inicio previsto: decembro 2025.
• Xornada laboral completa de 39 h. en horario de inverno e 35 horas en horario de verán, con flexibilidade horaria e posibilidade de teletraballo.
• 22 días de vacacións e días de asuntos propios.

Salario

80.000 € brutos anuais en 14 pagas.

Ubicación

CESGA (Centro de Supercomputación de Galicia) - Fundación pública pioneira na computación de altas prestacións, situada no centro da cidade de Santiago de Compostela, no campus universitario, pulmón verde da cidade. 

Avenida de Vigo, s/n, 15705 - 42º52.539 N 8º33.196 W.

Funcións

As necesarias para o desenvolvemento adecuado do proxecto Demostrador Multisectorial Datalife. Para iso levará a cabo as seguintes tarefas:

• Planificar e coordinar o deseño e despregue da Plataforma do Espazo de Datos, asegurando que cumpra cos obxectivos técnicos e funcionais establecidos.
• Supervisar a implantación, operación e mantemento da infraestrutura tecnolóxica, garantindo a súa estabilidade, escalabilidade e seguridade.
• Elaborar, implementar e facer seguimento do Plan de Xestión de Datos (Data Management Plan), garantindo o cumprimento das boas prácticas en materia de gobernanza e interoperabilidade.
• Coordinar o equipo técnico encargado do desenvolvemento e xestión da plataforma, organizando tarefas e validando entregables.
• Asegurar a correcta xestión, integridade e protección dos datos incorporados á plataforma, incluíndo a aplicación de 32 medidas de seguridade, control de accesos e anonimización cando sexa necesario.
• Garantir a calidade, consistencia e documentación dos conxuntos de datos dispoñibles, definindo criterios de control e validación.
• Colaborar co equipo do proxecto na definición de procedementos de explotación, intercambio e reutilización de datos.
• Planificar, supervisar e controlar as actividades de despregamento tecnolóxico e desenvolvemento dos casos de uso, elaborar informes periódicos e propoñer medidas correctivas para garantir o cumprimento dos obxectivos.
• Supervisar os entregables técnicos, garantindo a súa trazabilidade documental, coherencia cos obxectivos do proxecto e adecuación aos estándares internacionais.
• Asistir a reunións nacionais e internacionais, participar en conferencias e cursos, realizar presentacións e colaborar na xeración de material técnico e promocional.
• En xeral, participación nas tarefas do proxecto onde o CESGA ten responsabilidades e cantas sexan necesarias para acadar o éxito do proxecto e os resultados.