Perfil

O posto ten como obxecto executar o despregue, administración e mantemento da infraestrutura tecnolóxica asociada á Plataforma do Espazo de Datos do demostrador multisectorial DATAlife, empregando tecnoloxías baseadas en contedores e orquestración (Kubernetes).

A persoa contratada será a encargada de despregar, administrar e operar os clústeres Kubernetes do proxecto.

Requisitos

• Titulación: Título de Técnico/a Superior en Formación Profesional de Grao Superior (Nivel 1 do Marco Español de Cualificacións para a Educación Superior – Real Decreto 1027/2011, de 15 de xullo, ou titulación equivalente) nas familias profesionais de:
  • Informática e Comunicacións.
• Experiencia: Non se require.
• Outros: Con especialización, certificacións ou formación acreditada en administración de clústeres Kubernetes e contedores (Docker, Podman, containerd).

Duración do contrato e condicións laboráis

• Desde a sinatura do contrato ata a finalización do proxecto Demostrador Multisectorial DATAlife  (prevista inicialmente para o 30/06/2026).
• Inicio previsto: decembro 2025.
• Xornada laboral completa de 39 h. en horario de inverno e 35 horas en horario de verán, con flexibilidade horaria e posibilidade de teletraballo.
• 22 días de vacacións e días de asuntos propios.

Salario

33.919,58 € brutos anuais en 14 pagas.

Ubicación

CESGA (Centro de Supercomputación de Galicia) - Fundación pública pioneira na computación de altas prestacións, situada no centro da cidade de Santiago de Compostela, no campus universitario, pulmón verde da cidade. 

Avenida de Vigo, s/n, 15705 - 42º52.539 N 8º33.196 W.

Funcións

As necesarias para o desenvolvemento axeitado do proxecto no seu ámbito informático. Para iso levará a cabo as seguintes tarefas:

• Despregar e administrar clústeres Kubernetes para o aloxamento de conectores, pipelines e servizos do espazo de datos do centro demostrador do proxecto.
• Monitorizar o rendemento dos clústeres e servizos despregados, aplicando ferramentas de observabilidade (logging, métricas, alertas).
• Soporte aos casos de uso e usuarios do Espazo de Datos.
• Colaborar co equipo científico-técnico na validación de casos de uso e na resolución de incidencias técnicas.
• Documentación e mantemento do software e hardware dos clústeres Kubernetes do espazo de datos.
• Execución doutras tarefas asociadas coa correcta execución do proxecto: asistencia a reunións nacionais e internacionais, participación en conferencias e cursos, realización de presentacións, xeración de material promocional, etc.
• Calquera outra función que sexa necesaria para acadar o éxito do proxecto no seu ámbito de responsabilidade.