Perfil

Os dous (2) postos teñen como cometido o deseño, produción de contidos e desarrollo web para a comunicación, difusión e sensibilización do Proxecto Espazo de Datos. 

A persoa contratada será a encargada de desenvolver o portal web do proxecto Demostrador Multisectorial DATAlife e da creación do material gráfico necesario para a promoción do proxecto.

Requisitos

• Titulación: Título de Técnico/a Superior en Formación Profesional de Grao Superior (Nivel 1 do Marco Español de Cualificacións para a Educación Superior – Real Decreto 1027/2011, de 15 de xullo, ou titulación equivalente).
• Experiencia: Non se require.
• Outros: Non se require.

Duración do contrato e condicións laborais

• Desde a sinatura do contrato ata a finalización do proxecto Demostrador Multisectorial DATAlife  (prevista inicialmente para o 30/06/2026).
• Inicio previsto: decembro 2025.
• Xornada laboral completa de 39 h. en horario de inverno e 35 horas en horario de verán, con flexibilidade horaria e posibilidade de teletraballo.
• 22 días de vacacións e días de asuntos propios.

Salario

28.350,22 € brutos anuais en 14 pagas.

Ubicación

CESGA (Centro de Supercomputación de Galicia) - Fundación pública pioneira na computación de altas prestacións, situada no centro da cidade de Santiago de Compostela, no campus universitario, pulmón verde da cidade. 

Avenida de Vigo, s/n, 15705 - 42º52.539 N 8º33.196 W.

Funcións

As necesarias para o desenvolvemento adecuado do proxecto Demostrador Multisectorial Datalife no ámbito de comunicación visual e deseño gráfico. Para iso levará a cabo as seguintes tarefas:

• Desenvolvemento do sitio web do proxecto.
• Desarrollar a identidade visual do proxecto Espazo de Datos Multisectorial DATAlife, asegurando a coherencia gráfica cos lineamentos de CESGA e DATAlife.
• Maquetar documentos, informes e contidos didácticos, asegurando a coherencia visual cos estándares do proxecto.
• Apoiar na edición e produción de materiais audiovisuais (gravación, montaxe, subtitulado, animacións lixeiras) e comunicativos para a promoción do proxecto.
• Colaborar na actualización e mantemento de contidos visuais en canles dixitais e plataformas de comunicación do proxecto.
• Garantir o cumprimento das normas de identidade corporativa e dos requisitos de comunicación asociados ao financiamento.
• Apoiar a preparación do Informe de accións de comunicación, sensibilización e difusión, contribuíndo coa documentación gráfica e visual das actividades realizadas.
• Execución doutras tarefas asociadas coa correcta execución do proxecto: asistencia a reunións nacionais e internacionais, participación en conferencias e cursos, realización de presentacións, xeración de material promocional, etc .
• Calquera outra función relacionada co ámbito gráfico e visual que sexa necesaria para acadar o éxito das accións de comunicación e difusión do proxecto.