Perfil

O posto ten como obxecto dar soporte técnico avanzado ao desenvolvemento, integración e xestión da infraestrutura de datos do demostrador multisectorial DATAlife, contribuíndo á construción e mantemento dun espazo de datos interoperable, seguro e orientado á investigación e innovación.

A persoa contratada será a persoa encargada de manter os datos existentes e dar soporte á incorporación de datos na Plataforma Tecnolóxica do Espazo de Datos do proxecto Demostrador Multisectorial Datalife.

Requisitos

• Titulación: Nivel 3 (Grao + Master, Licenciatura, Enxeñaría) segundo o Marco Español de cualificacións para a Educación Superior recollido no Real Decreto 1027/2011 de 15 de xullo ou as súas equivalentes. En concreto en las seguintes ramas de coñecemento:
  • Enxeñaría Informática.
  • Física e Astronomía.
  • Matemáticas e estatística.
  • Enxeñaría eléctrica, enxeñaría electrónica e enxeñería da telecomunicación.
  • Enxeñaría industrial, enxeñaría mecánica, enxeñaría automática, enxeñaría da organización industrial e enxeñaría da navegación.
  • Enxeñaría química, enxeñaría dos materiais e enxeñaría do medio natural.
  • Bioloxía e xenética.
• Experiencia: Non se require.
• Outros: Non se require.

Duración do contrato e condicións laboráis

• Desde a sinatura do contrato ata a finalización do proxecto Demostrador Multisectorial DATAlife  (prevista inicialmente para o 30/06/2026).
• Inicio previsto: decembro 2025.
• Xornada laboral completa de 39 h. en horario de inverno e 35 horas en horario de verán, con flexibilidade horaria e posibilidade de teletraballo.
• 22 días de vacacións e días de asuntos propios.

Salario

34.419,00 € brutos anuais en 14 pagas.

Ubicación

CESGA (Centro de Supercomputación de Galicia) - Fundación pública pioneira na computación de altas prestacións, situada no centro da cidade de Santiago de Compostela, no campus universitario, pulmón verde da cidade. 

Avenida de Vigo, s/n, 15705 - 42º52.539 N 8º33.196 W.

Funcións

As necesarias para o desenvolvemento adecuado do proxecto Demostrador Multisectorial Datalife no ámbito de comunicación visual e deseño gráfico . Para iso levará a cabo as seguintes tarefas:

• Incorporación de novos datos á Plataforma do Espazo de Datos.
• Xestión dos datos existentes asegurando a seguridade dos mesmos e a correcta anonimización.
• Realización de backups.
• Aseguramento da calidade dos datos incorporados á Plataforma.
• Manter actualizado o Plan de Xestión de Datos (DMP).
• Execución doutras tarefas asociadas coa correcta execución do proxecto: asistencia a reunións nacionais e internacionais, participación en conferencias e cursos, realización de presentacións, xeración de material promocional, etc.
• Calquera outra función relacionada co ámbito gráfico e visual que sexa necesaria para acadar o éxito das accións de comunicación e difusión do proxecto.