Perfil

O/A técnico/a incorporarase ao CESGA no departamento de Aplicacións e Proxectos na área de HPC. A súa función como técnico dar soporte a liña de HPC, especificamente no referente á execución das tarefas do proxecto EuroCC3.

A liña de investigación onde se terá que dar soporte é de promoción da Computación de Altas Prestacións. O obxectivo desta liña é promover e apoiar a utilización do HPC nas empresas, sobre todo nas pemes, ofrecendo recursos, consultoría especializada e formación.

O/A técnico/a deberá focalizar no seu traballo de soporte nas tarefas e obxectivos definidos no proxecto EuroCC3.

É desexable que o/a técnico/a conte con coñecementos de HPC e experiencia en participación en proxectos europeos.

O/A técnico/a deberá axudar a consolidar a actividade internacional do grupo, polo cal é imprescindible a colaboración con outros proxectos da mesma área e a dispoñibilidade para viaxar A colaboración con outros centros do proxecto pode necesitar facer estas viaxes, incluso a nivel internacional.

Búscase, por tanto, unha persoa formada en técnicas de HPC, motivada, cun CV axeitado para desenvolver a súa actividade.

Titulación: A titulación superior (Nivel 2) que deberá estar adscrita nalgún dos seguintes ámbitos do coñecemento, segundo o Real Decreto 822/2021 (Anexo I): 

• Ciencias da Terra.
• Física e astronomía.
• Enxeñaría eléctrica, enxeñaría electrónica e enxeñería da telecomunicación.
• Enxeñaría industrial, enxeñaría mecánica, enxeñaría automática, enxeñaría da organización industrial e enxeñaría da navegación.
• Enxeñaría informática e de sistemas.
• Enxeñaría química, enxeñaría dos materiais e enxeñaría do medio natural.
• Matemáticas e estatística.
• Química

Transitoriamente, para titulacións non adaptadas ao novo marco, serán válidas aquelas adscritas a algunha das seguintes ramas do coñecemento, segundo o Real Decreto 1393/2007: 

• Ciencias.
• Enxeñaría e Arquitectura.

Idioma: Inglés: B1

Deberase indicar no CV que se anexe coa solicitude, de forma explícita, se o nivel de inglés conta cunha acreditación/certificación oficial.

Duración do contrato e condicións laboráis

• Indefinida, cunha duración aproximada inicial ata xuño de 2028, suxeita a continuidade á existencia de financiamento suficiente para manter esta investigación.
• Xornada laboral completa de 39 h. en horario de inverno e 35 horas en horario de verán, con flexibilidade horaria e posibilidade de teletraballo.
• 22 días de vacacións e días de asuntos propios.

Salario

27.208,30 € brutos anuais en 14 pagas.

Ubicación

CESGA (Centro de Supercomputación de Galicia) - Fundación pública pioneira na computación de altas prestacións, situada no centro da cidade de Santiago de Compostela, no campus universitario, pulmón verde da cidade. 

Avenida de Vigo, s/n, 15705 - 42º52.539 N 8º33.196 W.

Funcións

As necesarias para a o desenvolvemento adecuado da liña de investigación e, sobre todo, do proxecto EuroCC2.

• Colaboración na coordinación do proxecto cos socios.
• Participación nas tarefas do proxecto onde o CESGA ten responsabilidades.
• Coordinación con socios, coas entidades financiadoras, os provedores, socios e subcontratas do programa de investigación e os diferentes proxectos.
• Xeración de informes administrativos e técnicos sobre os resultados obtidos.
• Execución doutras tarefas asociadas coa correcta execución do proxecto e o desenvolvemento da liña de investigación: asistencia a reunións nacionais e internacionais, participación en conferencias e cursos, realización de presentacións, xeración de material promocional, etc.
• Axudar a outros membros do consorcio e terceiras partes financiadas polo proxecto, cando sexa necesario para a execución do mesmo. Publicación e difusión de resultados.
• Vixilancia tecnolóxica: Busca e análise da documentación científica e técnica relacionada coa temática da liña de investigación.
• Outras tarefas necesarias para a realización do proxecto e o desenvolvemento da liña de investigación