Perfil

O posto ten como cometido o deseño e coordinación das accións de promoción, sensibilización e divulgación do demostrador multisectorial DATAlife, fomentando a participación de entidades e usuarios, asegurando a transferencia de coñecemento e maximizando o impacto social e científico.

Requisitos

• Titulación: Nivel 3 (Grado + Máster) segundo o Marco Español de cualificacións para a Educación Superior recollido no Real Decreto 1027/2011 de 15 de xullo ou as súas equivalentes, nos seguintes ámbitos de coñecemento:
  • Xornalismo, comunicación, publicidade e relacións públicas.
• Experiencia: Non se require.
• Outros: Non se require.

Duración do contrato e condicións laborais

• Desde a sinatura do contrato ata a finalización do proxecto Demostrador Multisectorial DATAlife  (prevista inicialmente para o 30/06/2026).
• Inicio previsto: decembro 2025.
• Xornada laboral completa de 39 h. en horario de inverno e 35 horas en horario de verán, con flexibilidade horaria e posibilidade de teletraballo.
• 22 días de vacacións e días de asuntos propios.

Salario

32.493,02 € brutos anuais en 14 pagas.

Ubicación

CESGA (Centro de Supercomputación de Galicia) - Fundación pública pioneira na computación de altas prestacións, situada no centro da cidade de Santiago de Compostela, no campus universitario, pulmón verde da cidade. 

Avenida de Vigo, s/n, 15705 - 42º52.539 N 8º33.196 W.

Funcións

As necesarias para o desenvolvemento adecuado do proxecto Demostrador Multisectorial Datalife. Para iso levará a cabo as seguintes tarefas:

• Deseñar e implementar o plan integral de comunicación do proxecto, adaptado aos distintos públicos obxectivo (científico, institucional, empresarial e sociedade en xeral).
• Dirixir e elaborar o desenvolvemento de materiais textuais, gráficos e audiovisuais de carácter promocional e divulgativo relacionados co proxecto.
• Participar en tarefas de deseño web, posicionamento SEO e analítica dixital no marco do proxecto.
• Executar os eventos de presentación, difusión e divulgación científica e social, asumindo a interlocución cos provedores de servizos e coas entidades colaboradoras, garantindo a correcta planificación loxística, a difusión axeitada e a avaliación do seu impacto.
• Favorecer a transferencia dos resultados do proxecto mediante a difusión en redes europeas de innovación dixital (EDIHs) e outras iniciativas de cooperación científica e tecnolóxica.
• Promover a interacción coas entidades participantes e con novos axentes interesados, favorecendo a súa incorporación e implicación nas accións de divulgación do proxecto.
• Documentar e avaliar o impacto das accións de comunicación e transferencia, mediante indicadores cuantitativos e cualitativos (alcance de campañas, impresións, clics, número de entidades adheridas ao demostrador, participación en eventos, etc.).
• Elaborar informes de seguimento que evidencien as actividades realizadas e o impacto científico e social obtido, para a súa presentación ante o organismo financiador.
• Garantir o cumprimento das obrigas de comunicación e publicidade vinculadas ao marco da axuda que financia o proxecto, elaborando guías, instrucións, modelos e materiais precisos para asegurar a súa correcta execución.
• Realizar calquera outras funcións que sexan necesarias para acadar o éxito do proxecto no seu ámbito de responsabilidade.